مصطفي ... إسم جميل ومعناه حلو أووي
"المُختار ، المُجتبى ، المُفضَّل ، الخلاصة ، الصفوة ، ومن أسماء الرسول الأكرم صلي الله عليه وسلم ."
شفتوا معناه حلو إزاي :)
والظاهر إن كل -أو معظم- اللي إسمهم مصطفي فعلا ... مصطفي
إسم علي مسمي :)
إسم مصطفي عزيز عليا أوي ... لأنه إسم واحد من أفضل إخواني وأصاحبي
واحد من الناس ليها عليا فضل كبير أووي ويا رب يدخلني الجنة بسببه ... ويدخلكم كلكم ;)
العجيب إن إسم "مصطفي" دلوقتي عاملي مشكلة :D، مشكلة بس نقدر نقول عليها "لطيفة"
الفكرة إنه شخص كويس وسمعته زي الفل
ويقال عنه متدين
المشكلة إن لما بيكون حد كدة الواحد غصب عنه بيحبه في الله
وهيا دي المشكلة، إني مش عارف أعمل إيه ما ينفعش أحبه غير في الله.
مصطفي بقي ... مصطفي دة فتح عليا سيل من الأسئلة
ممكن تتربط ببعضها بس إحتمال حد ما يعرفش الربط دة غيري أنا بس :D
ف محدش يتعجب ولا يعمل في نفسه حاجة بعد الشر :P
* هو يعني إيه في واحد أفضل منك ؟
يعني إيه في واحد أحسن منك ؟
عنده مميزات أكتر مني مثلا ؟
طب ما أنا عندي مميزات مش عنده !
* طب هو ليه أحسن منك ؟
عشان بيستغل حاجات إنت مهمل فيها ؟ هل دة شرط ؟
ولا ممكن في "ناس" تبقي شايفة إنه أحسن منك عشان الظروف اللي -فعلا وليس بتقصير منك- جت في صالحه
ليه هو أحسن مني ؟ ليه أنا مبقاش أحسن منه ؟ في إيه يمنع إني أكون أحسن منه ؟
ناقصني إيه ؟ ليه مش بعمل عشان أبقي أحسن منه ؟
بس منافسة شريفة زي اللي ربنا قال عليها ...
مش التناحر اللي الناس بتعمله في بعض وإنا لله وإنا إليه راجعون !
* طيب هو لو أحسن مني هل دي معناه إن أنا وحش ؟
ما أعتقدش إن دة شرط، بس ليه "الناس" بتعمل دة شرط وتتجهالني أنا ؟
* طب لما يكون الميزات الزيادة اللي عنده عني حاجة لا هو له دخل فيها ولا حاجة أنا كنت دخل إنها تبقي ناقصة من عندي ؟
هو أنا كدة مظلوم -حاشا الله- أنا قصدي ليه "الناس" تظلمني عشان حاجة أنا مليش دخل فيها ؟
حد عنده فكرة ممكن الواحد يتصرف إزاي ويرد إزاي علي الأسئلة دي ؟
ليه ممكن تكون حاسس بالظلم، ليه تبقي شاكك إنك ظالم "الناس" وفاكرهم ظالمينك ؟
"مصطفي" ملوش ذنب في كل دة ... هو ما عملش حاجة وحشة
هو أنا ممكن أكون بفكر غلط "تماما" ؟! :(
مش عارف
"مصطفي"
ربنا يكرمني ويكرمك
ويصلح حالي وحالك
ويرضي عني وعنك
ما تزعلش مني ... بس قلبي مش بإيدي
بس أنا برضو بحبك -بس- في الله.
بمناسبه الناس اللى ليها فضل عليك متنساش تقول للناس انى انا اللى حفزتك انك تعمل بلوج
ردحذفp:
مين naneye ده يا مان؟
ردحذفهو إنتوا ال2 سيبتوا الموضوع ومحدش رد ع الأسئلة اللي أنا محتار فيها دي ليه :(
ردحذف"NaN" = you can say it equals "AnA"
'i' = Islam = eye = "eye"
انا بحب العيون :P
بجد أتمني إن الناس تشاركني برأيها، لنستفيد جميعاً
ردحذفولنكون سببا في إنقاذ كل محتار وتائه :).
مصطفى ده أنا و لا حد تاني ؟؟؟
ردحذفهو غالبا مش أنا عشان أنا عمري ما سألتك السؤال ده ؟
بس برده ممكن يكون أنا عشان أنا ممكن سألتك و ناسي ؟
@مسلم على اول طريق الاستقامة
ردحذفإنت دة
"
إسم مصطفي عزيز عليا أوي ... لأنه إسم واحد من أفضل إخواني وأصاحبي
واحد من الناس ليها عليا فضل كبير أووي ويا رب يدخلني الجنة بسببه ... ويدخلكم كلكم ;)
"
إنما مصطفى اللى بتكلم عليه دة حد تانى خالص ;)